Noong nakaraang ika-16 ng Mayo, higit sa 20 pamilya ang nakisama sa ika-4 na KS via Zoom. Mula sa iba’t-ibang bansa ng Europa at iba’t-ibang lugar sa Pilipinas, nagkuwentuhan at bugtungan kami tungkol sa mga parte ng katawan.
Binasa namin ang kuwento ni Rene Villanueva “Ang Pambihirang Buhok ni Lola” at pinagusapan din ang ilang kaalaman tungkol sa buhok. May katotohonan din pala ang kakaibang kakayahan nito!
Pagkatapos ng kuwentuhan, syempre hindi mawawala ang kantahan. At mula naman sa aklat na “Bugtong Bugtong” na sinulat din ni Rene Villanueva, nakapaglaro naman kami ng bugtungan at hinulaan ang iba’t-ibang parte ng katawan mula ulo hanggang paa.
Ang susunod na Kuwentuhang Sabado ay gaganapin sa ika-30 ng Mayo! At sa unang pagkakataon, may kuwentistang magbabasa ng sarili nyang kuwentong pambata. Sali na kayo!
Sumulat lang sa info@kuwentuhangsabado o kaya sa facebook page: facebook.com/kuwentuhangsabado.
Kuwentuhang Sabado 
One thought on “Mga parte ng Katawan”